Helduen Alfabetatze eta Berreuskalduntzerako Erakundearen oinarrizko helburua lortzeko, helduen euskalduntzea eta alfabetatzea alegia, indarrean jarritakoen artean badago hizkuntza-gaietan espezializatutako liburutegia gizarteari eskaintzea.
Hala, HABE liburutegia biblioteka espezializatuta eta publikoa da; bestela esanda, irekia da eta edonork erabiltzekoa. Euskarri desberdineko dokumentuak biltzen ditu: liburuak, aldizkari-bildumak, material digitalak…
Hiru atal nagusitan banatuta dago:
-
hizkuntzalaritza aplikatua (eleaniztasunaren alderdi didaktiko, soziologiko, psikologiko eta hezkuntzazkoak biltzen dituen atala)
-
euskal biblioteka, euskal produkzioa biltzen duena.
-
hizkuntzak irakasteko eta ikasteko materialez osatutakoa.
Eskaintzen dituen zerbitzurik nagusienak honako hauek dira: mailegu arrunta, biblioteken arteko mailegua, fotokopia-zerbitzua, informazio bibliografikoa eta bisita gidatuak. Katalogoari erreparatuta, Absys-ek kudeatutako katalogo orokorra jartzen da interesatuaren eskura.
Maileguei dagokienez, zerbitzua baliatzeko bazkide-txartela egin behar da. Eskariak Donostiako egoitzara zuzendu behar dira baina mailegatutako dokumentuak HABEren Gasteizko eta Bilboko egoitzetan jaso eta itzul daitezke.
Getxolinguae 2009 